كلمات ليست كالكلمات ( المركب بتغرق ياريس ) - يوميات طائر الليل الحزين

يوميات طائر الليل الحزين

الحب عندى شئ نادر ومثير وغريب عن أى حب تعرفين.... لست مغرورا أبدا ياسيدتى ولن أكون من الجاهلين.... انا لست رجلا عاديا كغيرى فأنا الرجال فى واحد.... ومثلى رجل كل مائه عام تقابلين....!!!!

.

.

كلمات ليست كالكلمات ( المركب بتغرق ياريس )

السبت, 22 نوفمبر, 2008

يا ريس تعالى إلحقنا                             دى المركب بتغرق بينا

دى الموجة جاية عالية                          والبحر شكله قايم علينا

شوف دى موجة غلو أسعار                    مهى كل حاجة بقت نار

والتجار من كتر جشعهم                        صابتهم حالة سعار

ودى موجة تحرش هايجة                       مهى شايفة الدنيا سايبة

وشبابنا مضحوك عليهم                         من نت وبرامج فاضية

وإلحق يا ريس شوف من بعيد                  دى موجة شايطة فى التعليم

أستاذ بيقتل تلميذه                               تلميذ بيشتم أستاذه شىء أليم

قدف يا ريس بينا قدف                          أحسن دى موجة طوابير عيش

الناس مش لاقية تاكل                             وهو كله نفسه يعيش

ومنين نجيب الصبر يا ريس                    واحنا تعبنا وزهقنا خلاص

ولا دى مركب من غير ريس                    وسايبنا نغرق كده وخلاص

(3) تعليقات

أضف تعليقا

اضيف في 24 نوفمبر, 2008 01:49 م , من قبل DIDII
من مصر

صديقى العزيز/إبراهيم

لاء هيا المركب بريس

بس اللى طلعو على المركب بس أهله وقريبه وحشيته

انما أحنا بقينا فى الميه والشاطر يعو ويتعلق بقشه

واللى يغرق نصيبه بقى
واهى البلد زحمه أقلو تخف

دا مبدأهم

عادى كله يموت كله يضيع

المهم هما لاء

مقالكـ جميل يا إبراهيم

بس مين يسمع ومين يشوف ومين يقدر

لكـَ خالص تقديرى واحترامى

؛؛دنياا؛؛

اضيف في 24 نوفمبر, 2008 02:39 م , من قبل sendebad2010
من مصر

جارتى الغاليه/دنيا
الريس والحبايب ركبوا اللنش يادنيا وأحنا وقعنا فى بحر الظلمات والله يعوض عليكى يا مصر... شبابك تايهين... لا فرح حاسين ... ولا مستقبل شايفين ... كله ظلام فى ظلام ومفيش فى إيدينا إلا الدعاء... اللهم إرحمنا.... يارب رحمتك وسعت كل شيئ

أشكرك جارتى المتألقه على تواجدك والتعليق ودمتى دائما بكل خير
وأتمنى مزيد من التواصل وتكرار الزياره
اخوكى / ابراهيم عمار

اضيف في 26 نوفمبر, 2008 05:30 م , من قبل ananda
من ألمانيا

صديقي ابراهيم
ريس ايه ورئساء ايه كلهم يارب نفسي كل واحد فيهم بشوف نفسو في المال والجاه بس حيروحو فين ربنا موجود يوم الحساب العظيم حناخد حقنا منهم اكيد
ربنا يوفقك يارب وتقبل مروري
فراشة الرومانسية
نودا

أضف تعليقا

<<الصفحة الرئيسية

.

.

اعوذ بالله من الشيطان الرجيم {اَللَهُ لاإِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِالسَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّبِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍمِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَيَؤُدُه حِفْظُهُمَا وَهُوَ العَليُّ العَظِيمُ}